Do that in front of me or behind me won't make it different

回顧

今天幾號了？現在才做2011回顧？？好過無啦～

· 上半年沒啥回憶，生活也算是豐富，但好像不太快樂

· 好朋友結婚了，由衷高興！

· 年紀不少，但性格仍然像個低能

· 也有想過隨便找個人嫁了算

· 條件合適的人也有，但沒感覺就是沒感覺

· 我認我不切實際，但求開心有何不可？

· 重看今年（僅有）的博文，我真是一個憤怒的八婆啊～除了嘮蘇還是嘮蘇！

· 投資失利，我想我還是不適合賺快錢

· ＥＱ還是低，但我想罵人就要罵！吹咩！！

· 重拾書包，跟以前的同學一起上課，好高興

· 原來我以前真的很懶啊，原來要很懶很懶GPA才會低於3啊！

· 年底沒了一部看都沒看過的iPhone，見識了眾多不負責任的仆街

· People who stole my iPhone, I curse you!!!

· 不過呢，現在很開心，因為有你～（害羞）

公共交通之一

如果你搭小巴車程係好長而你又好憎坐兩人座近窗個位，尤其係第一排、第四排（即車轆位）、尾排（其實小巴只係得十六個位囉～），重要好憎好憎憎過曾蔭權，咁你硬係要坐路口位我都原諒你。但只係五分鐘車程仲要坐路口位，家下你搭小巴好少話唔滿照開車架喎，隔離原先吉左個位9成有人入，咁你仲要專登撬開對腳俾人入，唔覺得好煩架？

好啦，以為你好趕或者要早落車啦，又唔係喎。落車仲要落得慢過人喎，ＯＫ，其實我都唔趕，通常仲係最後一個落車。但，路口位真係咁舒服？窗口位真係唔係人坐？

駛唔駛咁自撚獅先？

一（不等於最憎呀下）

呢個主題係我睇楊學德《十大最憎》激發我的，我認，由細到大我都係好麻煩又奄尖腥悶，好多時都睇唔過眼，我有理由相信我憎既野夠我出本書！

一（不等於最憎）

今時今日大家搵食都會上同一個網，我唔知係咪好多人都想上位定點，總之個食評就懶係非主流。尤其有啲人會將成件事既人物關係先說明一次，例如去左美國讀書既表妹返黎放暑假啦，仲有岩岩結婚既表弟又話約出黎聚舊盛盛，咁我地就諗住去食乜乜乜，點知又訂唔到枱，所以就搵左呢間啦啦啦啦啦。大佬呀，我剩係想知啲野好唔好食幾錢位咋。又有啲開場白係「自從何首烏上次食過ｘｘ樓覺得好難食，今次一於約埋鬆弛熊試新野」，我心諗邊撚柋個何首烏呀？鬆弛熊唔係日本人黎咩？我接受唔到啲人用自己個名稱呼自己，真係接受唔到！！

仲有呀仲有呀，點解啲相out曬fo都好意思放出黎架，有啲仲加埋曬啲死人核突框框，係咪打得少呀？另外今日見到有人全部相片都是打橫，但個菜的打直影架喎！想點呢？

食評好難寫呢層我都知（所以我甚少寫），但我只係想睇集中在食物、環境及服務上既食評，是過份的要求嗎？

近日發現新拉麵店一風堂的食評真係好正，除左大量九唔搭八的形容詞仲講到日本係自己家鄉咁，笑死我了！

2011大阪京都遊

６月去了日本五天，回來想寫點甚麼卻發現其實沒啥好寫的。如果說有甚麼特別懷念，就是洗屁屁的馬桶。我真的很愛很愛洗屁屁，有得洗屁屁，去便便也特別暢快。

關於洗屁屁有個迷思，就是每次完事後就洗屁屁啦，洗了一會又好想再去，於是停下不洗再坐一回，便完後又洗，然後又洗到很想去，又再便便，如此反覆互煎，直到腸子很乾淨。

另外在日本愛做的就是浸浴，不管是在酒店浴屋泡澡還是大溫泉都是超讚！

位 於地下鉄動物園前站的世界之大溫泉，當天不知怎搞的做超級大特價，入場加全日任玩只是1000yen， 實在是破地獄的價格！玩法跟東京台場的大江戶溫泉差不多，都是先買票入場再給你個手帶，然後在裡面消費都是用手帶先記帳，走的時候一次過付。（但裡面的牛 奶自動販賣機竟然要入零錢！洗完溫泉不喝個牛奶是不完滿的，你說對不對？）。平日到世界之大溫泉／大江戶溫泉都是人超少的，很多時個別溫泉中只有小貓兩三 隻。但世界之大溫泉的溫泉款式比較多，而且男女的樓層每月變更，所以要浸齊所有款式最少要去兩次。

入 面我最喜愛的是鹽桑拿，友人戲稱「人肉鹽焗雞」。拿張坐墊入房後先坐一會等身體冒一點汗，再從房中的鹽山中拿一點鹽塗抹身體，鹽在４０多度的房間中一下子 就溶掉。在房外沖水後皮膚沒有變乾反而嫩嫩的令人好興奮。還有中藥泉、炭酸泉等啦，也不只是那個泉的功勞，友人第二天說覺得白了好幾倍！

スパワールド世界の大温泉

〒５５６－０００２　大阪市浪速区恵美須東3－４－２４
地下鐵新今宮站或動物園前站一出就到。1000yen全日任玩優惠做到2011年12月31號啊！（但深夜有付加費啦～）