關於旅伴

因為3月和8月都要去旅行，因此5月的日本遊我全交給朋友安排。
既然說了由朋友安排就不能說三道四，對於她安排些怎樣的行程也沒所謂。雖然輕井澤和江之島也去過2次，但友想去嘛，不同的季節也有不同的風景，輕鬆就好。

Airbnb一同看過後就由朋友負責訂，友也幫我買了電話卡，在香港機場和飛機上她也沒有給我，我想她應該東西都確認好吧，我多次提醒自己，既然我全權交給朋友安排就要對她有信心！

下飛機後入境人龍很長，也是時候要跟家人報平安，就問友要電話卡，友提醒「這張只能上網不能打電話。」。
終於要出發去市區，我問「住的地方是不是約了時間check-in？」
友「她說是3點後可以應該就是3點會在吧~」
我「你有她的LINE嗎？」
友「沒有啊，但她有留電話」
我「嗯，但是我們的電話卡不能打電話呢。confirm booking的時候有沒有給你甚麼資訊？」
友查看舊email，發現有連結在google drive下載地圖，原來住處是用密碼取鎖匙，戶主是不會出現的。

我那刻想，是我過份謹慎嗎？但住宿3個月前就訂好，如果我們的電話卡用不了，將要折騰好久才能check-in。

後來到達輕井澤時也是沒有將訂單列印或是儲存在手機。

酒店check-out的時間也沒有確認，友說「因為我沒所謂呀～」(重點好像不是在這裡)

友也將很多景點寫下，我說有些地方可能沒時間去啦，她說「我只是看到人家去甚麼地方就全部都先寫下來，到時才決定。」，我覺得這也OK，不過當中也出現了很想很想去但沒寫在行程的店，到想去時店已關門的狀況。

我是很喜歡編排行程的，也知道出門遠行很多意料之外的事情會發生，所以能夠收集的資料都會盡量整理好，包括各項火車pass售票的地方和營業時間（中途也發生了不知在那個櫃位買票的情況），將資訊變為offline也可以閱讀的版本。行程方面反而是景點越少越好，預留多些空間，就算忽然遇上喜愛的店也有足夠時細看。

作為一個惹人厭的港女，對於旅伴的要求都很高，有時我想假如我們都是同一類人應該就沒問題了吧～

當然友沒有發現我內心有不快，還說下年要再一起去旅行。

自信的阿源（完結篇）

你們知道毒男多數甚麼時候發功嗎？就是過時過節前，接近2月14日阿源開始從水底爬上來，不過佢動作比較慢，搞到成13號先浮面問我14號得唔得閒，答案當然係唔得啦。雖然無論點都唔會應約，可能我真係好港女啦，但係13號先問會不會有欠誠意呢！

雖則阿源無表白過，不過我已決收佢皮，但話佢on9拍佢嬲，加上我是一個大好人，所以我15號先回應佢。結果我發現有些男人（假設佢仲可以算係男人）比我更賤格。

（英文不好請見諒）
因為我一直都無回覆，阿源15號時傳來這樣一條短訊
源「Good afternoon. Sorry, I know I said something wrong But I do care of u, on the other hand, I don’t have oil mouth, I don’t know how to make u happy >_<」

我「U said nothing wrong, I don’t know what u r expecting, but I guess I’m not the one u r looking for」(事後有人說我太直接，但也有人說要狠一點才對)

源「In my mind, my lover feeling is most important, so I won’t force her to do anything, I just wait for some chance to take care of her and try my best to make her happy」

我「Maybe I did something that caused misunderstanding, I think we can be friends, but not more than that, and you don’t have to make me happy」

源「^^ I enjoy making all my friends around me happy wor, friends is for happy, right? Or u just mean me?」

由於阿源已表明只當我是朋友，所以我已經安樂晒，點知好戲在後頭
源「Whatever la, don’t waste time for think too much on me, it is useless」(反客為主，好野！)
源「Just friend ^.*」

我「Great」

源「I can read you mind haha」

我「U can’t」

源「Ok, I can’t but I can feel」

其實見佢咁講真係嬲嬲地，我一心諗住俾個下台階佢，但佢第一野唔醒水仲要講埋野乜鬼lover盛盛，最後一招反客為主真係令我五體投地。

依家阿源仍然斷斷續續傳我短訊，但放心，我已經沒有理他啦～啦啦啦～～

自信的阿源（三）

重點戲來了

首先阿源誤以為百分百遷就女生就等於是好人，出來的效果卻變成沒有主見的軟皮蛇，是一滴主見都無，好得人驚。問他看甚麼電影「沒所謂」，想吃甚麼「沒所謂」。我還要引導他「中意睇邊類型戲呀？」「有無咩唔食呀？」，答案是「你中意睇乜戲我咪中意睇乜囉」「你食乜我跟你一樣得架啦」，真是慘過湊仔。作為一枚資深港女，一個男生約會女生又不做點功夫，我覺得是不能接受的。最後連電影票都是我自己買，真是有夠犯賤。

終於到約會那一天，我的記憶只剩下好很恐怖的對話。

前題：

阿源30歲，電單車神，有個對他非常好並手持3個master的表哥

源「我買左電單車但係我唔敢同表哥講，因為佢一直反對我楂電單車」

我「咁你都買左啦」

源「但我怕佢鬧」

我「如果你咁重視佢既意見，你就唔好買車啦」

源「但我又好中意．．．」

我「咁你可以同佢講，你自己識衡量同埋會承擔風險」（30歲人啦，頂！）

源「但係我又驚」

我「咁我幫你唔到」

－－－－－－－－－－－－－－－－－－－－－－

源「其實我真係唔中意應酬其他人」

我「我覺得唔係應酬既，都係當同朋友交流下」

源「我剩係中意車咋」

死空氣中．．．

源「啲車有事會同我講架」說時仲控個頭埋黎「你知唔知呀？」

我（知你老味）「唔知喎～」

源「啲車有乜頭暈身慶會同我講架」（狀甚興奮）

我（你不如俾我死啦）「係咩」

好辛苦先捱到夠鐘睇戲，好在套戲夠好笑，不過已經完全唔撚想同阿源食飯，所以睇戲途中已經開始聯絡各方好友準備安排走佬。

睇完戲靜靜雞甚麼軟件我的朋友叫他打給我，然後扮朋友有急事（我連是甚麼急事都懶得作，好賤格！），跟住就走人！事後阿源還有關心我，叫我幫完朋友好快啲食飯。諗返佢其實都有少少慘，但我真係頂唔蒲了。

如果是正常的男子，是不是已經不會再找我？但阿源真是非一般男子～

未完．．．

自信的阿源（二）

先補張圖（阿源）

iPhone的必用apps是 當然是甚麼軟件，自那天起阿源每天都跟我說早晨，落場（忘了說，他做餐廳的）就說「我去吃下午茶啦」，然後是「我今日幾點再開工」。我承認我都有錯，錯在 覆他。但人地又無話中意你，雖則他樣似阿源，但可能人品好呢！我是有想過給自己一個機會的。可惜他太急進，下下搵位入令我非常不安。

例如

源「你有咩興趣架?」

我「我好宅架喎，會打機睇漫畫煲劇。」

源「我剩係鍾意車架咋！」

我「宅男！哈哈」

源「咁我地咪好一對宅男女囉。」

無覆

拿拿拿，這是第二天whatsapp的對話～。不過唔回應是沒用的，阿源會不斷炸短訊。

又，

源「我今日楂電單車由荔枝角去中環，搵唔到紅隧，用左2個鐘」

我「楂多啲就會熟路架啦」

源「你同我遊多啲車河咪熟囉」

無覆

又，

阿源好明顯是在搵老婆，到得第三四天已經問我識唔識煮飯、父母退休未。老老柒柒，你揀人人揀人啊，以為自己好有寶咩。

OK，其實說到底女人都是對人不對事，阿源最致命的是他的自信。

其實我是cap了甚麼軟件的對話視窗 ,但放出來又好似好無品，所以打出來好了。

我「你去左英國幾耐？」

源「十八年」

源「好可憐」

我「又會突然想返香港既？」

源「原因太長，父母年紀大，想做吓孝順仔」

我「明既」

源「我仲有好多故事」

源「車既故事好精彩架」

源「有機會講啲比你聽啦」

源「我英國有兩個花名」

我「哈哈，車神個啲呀？」

源「Birmingham車神（大多數），呀神（南部地區）」

．．．．．．

源「我一生人只係中意車，係唔係好悶？」

我「真係無其他興趣咩？」

源「其他嘢只係朋友既興趣，只有車我會主動，因為我玩我朋友啲興趣都好叻，所以叫我做呀神哈哈」

源「波神（snooker）+食神+車神+tec神=神」

我「咁你係咪有好多信徒」

源「之前有，不過收咗山好耐啦」

源「咁你跟唔跟我呀lol」

無理

源「今日又係開12點」

．．．．．．．

去到這個地步其實我應該不理他，但有幾天和另一位發展中的男士鬧得不愉快，竟然答應了他去看電影。

你們鬧我吧！我知我抵死的了。

出街更得人驚、更長篇，為了讀者（雖然只有1個人）我會盡快更新！

自信的阿源（一）

事情發生之後我真係有諗過立即去高登開個account出文。但我只是一個無膽的cd-rom，所以始終不敢，不過呢，我還是會以高登文體寫出來的。（以下含不雅用語，不喜勿看）

是咁的，話說2個月前有個小學同學的飯局。當年是分A班(精英班)和B班的，我屬於A班考第尾那批，加上我是極自閉的小孩，只會同最好的一兩個同學一齊玩，所以我的小學雞生涯悶到hihi之餘亦都無乜記憶。飯局中有九成人都是B班的，肯出席飯局只因有個一同升中的男同學會到，心諗悶極都有個泡啩。

準時到達問好阿姐幾號枱，去到只見三條佬，三條都完全唔撚認得。膽粗粗開口「我係ｘｘｘ，你地好。」，坐在我旁邊的是個令我聯想起阿源的人。（如果你不知道誰是阿源，你已經失去做我朋友的資格！）。叫得阿源外型自然係毒到冇朋友，對話之中知道佢去左英國十幾年，剛剛返來而且諗住唔返去。好彩其他女同學都好快到，可惜男同學忘了今次飯局所以最終沒有出現。席間阿源一直叫我多吃一點，但我當日作感冒，所以也吃不下很多，但都有傾計，對他也沒有反感。當日我發現smartphone的壞處是；不能拒絕交換飛卜，當時我是沒所謂，反正也不會少條毛。老老柒柒，是覺得阿源可能有啲野，但人地又無做乜咪當識多個朋友囉。

當夜就收到阿源inbox我說交換電話得閒出來食野云云，我回他「食野無問題,不過唔好係咁質我食野」，他回覆我「你真係可愛」。噢撈！事已出。