《春嬌與志明》

你問我電影好不好看呢？「這個不好說。」（國語～哈哈）因為後半場我都在「想哭－＞忍住－＞忍不住－＞放棄－＞眼淚狂流－＞不哭了－＞想哭」這個循環裡轉。

結論是好看的，但上集的小情小趣減少了很多，而且很多時候我都代入太多了，有些對白都沒聽仔細。

伴是被我強迫去看的，因為有人聲稱不看港產片又話好憎楊千嬅一定好爛又盛，雖然他最後也掉下一句「港產片黎講都算幾好睇既～」，但也不忘加句「余文樂都好重口味囉，楊千嬅都食得落」

看的時候好心酸，以為自己看化了很成熟，其實成熟個屁！有的男人真的可以在你面前跟其他女人短訊調情，而他是不會覺得那是種背叛。或者是我時運低，從不見我的友有小三危機或大婆慘變小三等事情。唉～～～～～

想起之前有位剛失戀的友說她的要求其實很簡單，細心就可以了，接著又補多句「唔好hea住出街囉！」，我聽後很為她擔心，因為十個男人有十一個都是hea住出街的。我沒有一個男友是那種每次出街都舖排好的人，更不會在星期一就約定星期六去街。如果要求對方事事為你安排妥當的話，又要求驚喜浪漫的話，我肯定會很快吐血死。所以旅行甚麼的我情願自己一手一腳辦妥。

學詹瑞文話齋，男人只有三句真話；「我好眼瞓」「我好肚餓」「我想要」，絕對是sad but ture的真理。如果不看開一點死要做港女，最後肯定大家都不開心。

《飢餓遊戲》

（含劇情）

“Happy Hunger Games! And may the odds be ever in your favor!”，這句話在戲中講了十萬次，但我不覺得會成為甚麼箴言警句囉～拜託！

若你喜歡Twilight你可能也會愛Hunger Games，因為兩本都是給初／高中生看的小說（作者雖然可能不同意），充滿少女喜愛的荒誕（？）情懷。刻意經營的一個時代背景，低下階層像16、7世紀的民工，上流人士個個像Lady Gaga，只可惜美指做得極衰，整個感覺就是醜和廉價。相對早前的《雨果》，那是美得每一個畫面都想停下來細看。

戲中的人物蠢到ｈｉｈｉ，成日野外露出荒死人看不到，想睡就睡，最頂癮是成班看到有人生火立即衝埋去送死，我真想問有沒有一個trap會比這個更明顯？

片中標榜那個時代擁有極高科技，但仲要用小降傘送物資？仲要揹住個背囊周圍貢？主持人仲要楂mic。

看到Heroes的Nathan變了傻仔，好傷心～

女主角被說是有多勇敢、獨特，當她跟男主角接吻的那一刻，我跟男友的想法都是「超，咪又係一個slut！」。鏡頭還要close up在看直播的正印男友，當堂全場爆笑。

在imdb竟有8分，嚇死！好在仔細看影評大部分都是小爆～呵呵。

看完我想多看一次《大逃殺》

愛上一個不回家的人

這句話是一位同事在公司國際大會議上，說要對太太講的（但太太根本不在埸．．．）。我真的很為他太太難過，世上總是有些人以為日以繼夜為公司賣命是很值得驕傲的事，但我ＴＭＤ不會賣帳！我深信愛生活愛家庭的人才是最有生產力的，因為想準時下班，工作時間內就會盡最大能力交出最好的。如果覺得加班是必然的人，只會在公司磨爛席。

Do that in front of me or behind me won't make it different

回顧

今天幾號了？現在才做2011回顧？？好過無啦～

· 上半年沒啥回憶，生活也算是豐富，但好像不太快樂

· 好朋友結婚了，由衷高興！

· 年紀不少，但性格仍然像個低能

· 也有想過隨便找個人嫁了算

· 條件合適的人也有，但沒感覺就是沒感覺

· 我認我不切實際，但求開心有何不可？

· 重看今年（僅有）的博文，我真是一個憤怒的八婆啊～除了嘮蘇還是嘮蘇！

· 投資失利，我想我還是不適合賺快錢

· ＥＱ還是低，但我想罵人就要罵！吹咩！！

· 重拾書包，跟以前的同學一起上課，好高興

· 原來我以前真的很懶啊，原來要很懶很懶GPA才會低於3啊！

· 年底沒了一部看都沒看過的iPhone，見識了眾多不負責任的仆街

· People who stole my iPhone, I curse you!!!

· 不過呢，現在很開心，因為有你～（害羞）

公共交通之一

如果你搭小巴車程係好長而你又好憎坐兩人座近窗個位，尤其係第一排、第四排（即車轆位）、尾排（其實小巴只係得十六個位囉～），重要好憎好憎憎過曾蔭權，咁你硬係要坐路口位我都原諒你。但只係五分鐘車程仲要坐路口位，家下你搭小巴好少話唔滿照開車架喎，隔離原先吉左個位9成有人入，咁你仲要專登撬開對腳俾人入，唔覺得好煩架？

好啦，以為你好趕或者要早落車啦，又唔係喎。落車仲要落得慢過人喎，ＯＫ，其實我都唔趕，通常仲係最後一個落車。但，路口位真係咁舒服？窗口位真係唔係人坐？

駛唔駛咁自撚獅先？

一（不等於最憎呀下）

呢個主題係我睇楊學德《十大最憎》激發我的，我認，由細到大我都係好麻煩又奄尖腥悶，好多時都睇唔過眼，我有理由相信我憎既野夠我出本書！

一（不等於最憎）

今時今日大家搵食都會上同一個網，我唔知係咪好多人都想上位定點，總之個食評就懶係非主流。尤其有啲人會將成件事既人物關係先說明一次，例如去左美國讀書既表妹返黎放暑假啦，仲有岩岩結婚既表弟又話約出黎聚舊盛盛，咁我地就諗住去食乜乜乜，點知又訂唔到枱，所以就搵左呢間啦啦啦啦啦。大佬呀，我剩係想知啲野好唔好食幾錢位咋。又有啲開場白係「自從何首烏上次食過ｘｘ樓覺得好難食，今次一於約埋鬆弛熊試新野」，我心諗邊撚柋個何首烏呀？鬆弛熊唔係日本人黎咩？我接受唔到啲人用自己個名稱呼自己，真係接受唔到！！

仲有呀仲有呀，點解啲相out曬fo都好意思放出黎架，有啲仲加埋曬啲死人核突框框，係咪打得少呀？另外今日見到有人全部相片都是打橫，但個菜的打直影架喎！想點呢？

食評好難寫呢層我都知（所以我甚少寫），但我只係想睇集中在食物、環境及服務上既食評，是過份的要求嗎？

近日發現新拉麵店一風堂的食評真係好正，除左大量九唔搭八的形容詞仲講到日本係自己家鄉咁，笑死我了！