培訓。一

見工的時候已經被知會要落舖"受訓"，雖然同事說很hea，但我（自問）是一個很有責任感的人，是hea做唔出的。肉體上的確很累，不過不需腦又不用對電腦，當軍訓式做運動也不錯。

入正題，我想知道為何有些人成日都可以keep住西口西面（注意，是比黑口黑面更高層次的）。第二天上班我問一位同事（以下稱為西面西）「我有冇乜野可以幫手？」西面西：「咁你識做啲咩丫？」我：「無乜野識呀。。。」西面西：「咁無啦喎」。昨天樓面沒有杯，廚房的阿姐們說未洗得切，我就到隔離行偷幾隻囉。點知西面西山長水遠走過來說「我想講無杯係要自己入去fill，唔係拎人地嗰啲囉！」。嘩嘩嘩，拎人地啲杯喎，大嗱嗱幾百萬一隻喎，走去拎人地啲杯真係好唔啱囉。仆佢個街！！

不管是多高級的職員也要尊重每一個人，這是人格的問題。我這個白痴竟然為了此事生了好一陣子的氣。。。唉。雖然我口口聲聲話要尊重低下層，但真心話是「咁叻就唔駛做侍應啦！」心入面加多句「抵你做死一世做侍應！！！」。我身為膠層人仕紆尊降貴來看你們這班庶民，竟然有人吃了豹子膽出言不遜。為了安慰自己，我跟自己說，算了，計起時薪我都大大話話高佢成陪有多，我又叫做讀過幾年書，無謂為此等閒人生氣。