幾個月前不止一個人話約埋一齊睇，話睇下有幾好笑喎。我心諗，呢個藉口假唔假啲呀？戲都未上你又知好笑？？想睇笑片返屋企睇周星馳啦。我呢，擺到明係想係鹹濕野，睇下有幾激、啲ＡＶ女優身材有幾好、葉山豪有幾勁。睇之前好擔心套野好流，但結論係，娛樂性豐富，連甚少睇港產的我都覺得及格有餘！
高登的潮文大家可能已經睇過，我唔係男仔，唔知睇唔到雷凱欣露點搞野有幾慘情，因為其他女優已經交足功課，奶阿伯都肯喎，港女有邊個做得出？造愛場面都係以聲效為主，即是不停啪啪啪呀呀呀咁，呻吟聲其實都幾假幾煩，不過我未試入戲院睇咸片，已經覺得好密集好激了。另一重點係笑位好ｏｋ，唔係爛到笑而係真心笑喎！同事朋友事前都聲大大話要去睇，點知個個都無黎吉士。不過當我描述返啲gag位，個個都覺堅係好笑。而且我發現港產三級片最好笑既地方係可以喪講粗口，屌就屌，撚就撚，係架，我係好粗鄙的，不過我覺得明刀明槍好痛快！
仲有我發現我真係好黑仔，鑊鑊都有啲煩人坐正隔離。今次係一件豬扒，仲9成肯定佢係黃花閨女。你話我女仔人家咁話人好賤格我都要講！佢係一個“描述西”，畫面有乜柒都要描述出黎，同埋佢最鍾意講一句「嘩，呢套野好爆囉！」，105分鐘內講了九百幾次。我覺得佢係為左扮「有乜大場面未見過」而咁做，可惜佢好可能連撚都未見過，哈哈。後來劇情越見血腥，又會話「嘩，好驚囉！」，當時真係好想叫寧王小爆佢！
見到好多網友因為中左雷凱欣伏而大叫回水，的確，一心諗住睇咸片係好可能失望，但作為一套電影我覺得整體真係俾得出3粒半星，起碼完完整整拍攝認真先啦。最最最估唔到係仲有正面訊息帶出，真係連基督徒都睇得！
沒有留言:
張貼留言