Blogger算甚麼

因工作關係需要找博客寫試用文，１小時內看了超過15名女博客的地盤。15名，不算多，感想，好－Ｘ－想－嘔－！原來今時今日有咁多港女學人寫blog（我都係囉～），問題是篇篇都有超過十幅大頭相。真心一問，一個人要幾有自信、幾自戀，先會覺得全世界都好想睇你個樣呢？

重要是，大部分女都好豬，如何用美圖秀秀+濃妝重裝甲都掩蓋不了真身。身為女仔咁話人又確實好口賤，但100%係事實！做人要有自知自名，咁實有港女話「我自拍放上網是我的自由」，但我會覺得考慮別人感受是網絡上應有的禮儀。一面看我腦看只浮現了一個畫面。

當然，靚女的話會令人無咁難受，只有比較單純地覺得［好港女！］［好港女！］同埋［好港女！］。雖然我也會看blog，但沒有一個是只關於美容和飲飲食食的。港女blogger口口聲聲說自己喜愛分享，但看她們寫的就知道最終目標不過是攨著數博贊助，看她們的blog反而覺得她們的生活似乎太枯燥了點。

也知道好些blogger現實中真的是靚女一名，但真正的美女、甚至一個普通人其實根本不需要別人的讚賞才能確認自己的存在價值。

笑完人地一大輪，其實我想講咩呢？就係今日開始我都寫試用文博贊助先！